International

न्युजिल्याण्ड विरुद्ध तीन खेलको श्रीखंलामा अष्ट्रेलियाको ह्वाइटवास

न्युजिल्याण्ड विरुद्धको तेस्रो एक दिवसिय खेलमा अष्ट्रेलिया एक सय १७ रनले विजयी भएको छ । जीतसंगै अष्टलियाले तीन खेलको श्रीखंलामा ह्वाइटवास गरेको छ ।

मेलबर्न क्रिकेट मैदानमा विश्वकपको फाइनल पछि पहिलो पटक खेलका यी दुई टिममा अष्ट्रेलिया च्याम्पियन बनेको हो । टस जितेर पहिले ब्याटिङ गरेको घरेलु टिमले निर्धारीत ५० ओभरमा आठ विकेट गुमाउदै दुई सय ६४ रन बनाएको थियो । उसका लागि ओपनर डेविड वार्नरले एक सय ५६ रनको पारी खेले । लगातार दोस्रो खेलमा सतक प्रहार गर्ने क्रममा वार्नरले एक सय २८ बलमा १३ चौका र चार छक्का प्रहार गरेका थिए । तर बाकि खेलाडीले भने खासै राम्रो खेल्न सकेनन । जवाफमा न्यजिल्याण्ड ३६ ओभर एक बलमा मात्र एक सय ४७ रनमा अलआउट भयो । उसका लागि मार्टिन गुप्टिलले ३४ तथा टोम लाथहमले २८ रन बनाए । यस्तै कोलिन मुर्नोले २० रन बनाउदा बाकि खेलाडी सस्तैमा पेभेलियन फर्किए ।

Most Popular

To Top