बदला लियो नेपालले दोस्रो खेलमा

आइसीसी विश्व क्रिकेट लिग च्याम्पियनसिप अन्तर्गत केन्या विरुद्धको खेल अघि भारत भ्रमणमा रहेको नेपाली टिमले दोस्रो अभ्यास खेलमा राजवाडा क्रिकेट टिमलाई ८३ रनले पराजित गरेको छ ।

ग्रेट नोयडा स्थित गौतमबुद्ध क्रिकेट मैदानमा पहिले ब्याटिङ गरेको नेपालले निर्धारीत ५० ओभरमा सात विकेट गुमाउदै दुई सय ४७ रन बनाएको थियो । यो । बलियो सुरुवात गरेको नेपालले पहिलो विकेटका लागि ९५ रनको साझेदारी गरेको थियो । आशिफ शेखको स्थानमा सुनिल धमलालाई ओपनिङको जिम्मेवारी दिएको नेपालका लागि सुनिल र ज्ञानेन्द्र मल्लको जोडीले दरिलो साझेदारी गरेका थिए । तर सुनिल ४४ रनमा आउट भएपछि नेपालले पहिलो विकेट गुमायो । त्यसपछि सरद भेषवाकर मात्र सात रनमा आउट हुदा नेपालले एक सय नौ रनमा दोस्रो विकेट खेर फाल्यो ।

त्यसपछि सागर पुनले १७ र महबुब आलमले ३० रन बनाए । आजको खेलमा पनि कप्तान ज्ञानेन्द्र मल्लले कप्तानी पारी खेले । पाच रनले सतक बनाउनबाट चुकेका ज्ञानेन्द्रले एक सय १५ बलमा ९५ रन बनाए । त्यसअघि आरिफ शेखले २४ र बसन्त रेग्मीले १२ रन बनाए । जवाफमा दुइ सय ४८ रनको लक्ष्य पछ्याएको राजवाडा ३७ ओभर तीन बलमा मात्र एक सय ६४ रनमा समेटियो । नेपालले कसिलो बलिङ गरेपछि राजवाडाले खुलेर बयाटिङ गर्न सकेन् ।

उसका लागि माधुर खत्रीले सर्वाधिक ४४ रन जोड् । राजवाडालाइ सस्तैमा रोक्ने क्रममा शक्ति गौचन, सागर र संदिप लामिछानेले समान दुइ दुइ विकेट लिए । अभिनास कर्ण र करण केसीले एक एक विकेट बांडे । जीत संगै नेपालले पहिलो अभ्यास खेलमा बेहोरेको ४२ रनको हारको बदला पनि लिएको छ ।

Comments:

comments

Latest News

This Day In History

No Events